دل ٹوٹ گیا منحوس کا

بہت سال پہلے کی بات ہے میں‌‌ ایک شادی کی تقریب میں‌شرکت کے لئے کراچی گیا ہوا تھا ۔ میرا آدھے سےزیادہ خاندان کراچی میں‌آباد ہے۔ خیر ہم جس گھر میں‌ ٹہرے تھے وہ میری پھوپھی کا ہے، ان کے گھر کی بالائی منزل پر کرایہ دار تھے چھوٹی سی فیملی تھی ان کی دو میاں‌بیوی ایک بیٹا اور ایک بیٹی۔

اوپر والوں‌ کی لڑکی کو شائد کوئی کام کاج نہیں‌تھا وہ تو بس ہر وقت نیچے ہی رہتی تھی اور ہر ممکن کوشش کرتی تھی مجھے تنگ کرنے کی لیکن مجھے تو وہ بہت بری لگتی تھی اور اسی طرح تمام نیچے والوں‌کو بھی ۔وہ ہر وقت اسی فکر میں‌رہتی تھی کہ سب کے بارے میں‌اس کو خبریں‌ملتی رہیں‌۔ میری بھانجی بھی میرے ساتھ تھی اور وہ مجھے بلوُ ماموں‌ کہہ کر بلاتی تھی تو اس لڑکی نے بھی مجھے اسی نام سے پکارنا شروع کر دیا جس پر میرے گھر والوں‌کو فکر ہوئی کہ یہ اتنی فری کیوں ہو رہی ہے؟ پر میرے اچھے ریکارڈ کی وجہ سے ان لوگوں‌نے اس پر کچھ زیادہ دھیان نہیں‌دیا۔ لیکن میری ایک کزن جو اسے شروع سے ہی نا پسند کرتی تھی اس نے کچھ اور ہی سوچا ہوا تھا خیر دن گزرتے گئے ، شادی بھی ہو گئی اور وقت آیا ہماری واپسی کا، واپس آنے سے ایک دن پہلے میری کزن میرے پاس آئی اوراس نے مجھے اسکے اور اپنے درمیان ہونے والی گفتگو کے بارے میں‌بتایا وہ کچھ یوں‌تھی
لڑکی– بلوُ ماموں‌کہاں‌ہیں ؟
کزن– وہ نہیں‌ہیں‌گھر پر
لڑکی — کب آئیں گے؟
کزن — کیوں؟
لڑکی — ویسے ہی پوچھ رہی ہوں
کزن — تم ان سے زیادہ فری ہونے کی کوشش مت کرو
لڑکی — کیوں میں‌نے کیا کِیا ہے؟
کزن — بس میں‌جو کہہ رہی ہوں ، اور ویسے بھی تم اپنی شکل دیکھو وہ تم جیسی لڑکی کو پسند نہیں‌کرتے، ان کی منگنی ہوچکی ہےاور ان کی منگیتر بہت خوبصورت بھی ہے اور وہ روز اپنی منگیتر سے فون پر بات بھی کرتے ہیں۔۔۔۔
لڑکی بس چپ ہو کر چلی گئی

اس کے بعد میری کزن نے مجھے آکر ہنستے ہوئےمجھے سارا قصہ سنایا تو میں نے اس سے کہا کہ میری منگنی کب ہوئی اور میں‌فون پر کس سے باتیں‌کرتا ہوں‌تو میری کزن نے کہا کہ بلوُ بھائی آپ کیوں پریشان ہوتے ہیں‌وہ کونسا آپ کی منگیتر سے ملنا چاہتی ہے مجھے تو بس آپ کی جان چھڑانی تھی اس سے اور کچھ نہیں‌کیونکہ مجھے وہ زہر لگتی ہے آپ سے ایسے ہی فری ہونے کی کوشش کرتی رہتی ہے میں نے بھی اس کو جب یہ بات بتائی تو دل ٹوٹ گیا منحوس کااور میں‌ہنستی ہوئی واپس آگئی اب وہ آپ کو تنگ نہیں کرے گی۔
پھر میں‌نے سوچا کہ میری کزن کو مجھ سے ہمدردی کم اور اس لڑکی پر غصہ زیادہ تھا اور اس کو بہانہ مل گیا اپنا غصہ نکالنے کا۔ آپ کا کیا خیال ہے؟